Grunnigs (Ludo)

Veur ainmoal een stukkie Grunnigs op dizze webstek. Toun Edward mie vruig of het gastbloggerschap mie wat leek, had ik op zien zaachtst zegt d'r een haard heufd in. Ik zuik nait noar diverdoatsie, heb deurgains genog om hand'n. Boet'nweg daacht ik datte mie bie de bok doun wol. Ik en 'n stukkie schriev'n. Heb noa Pinkeltje nooit meer 'n bouk in hand'n had. Ik wait ook nait hou dat zit met oal die schrievers. Proaten de haile tied over mooie zinn'n en weurd'n waar ik nooit heurd van heb. Toch heb ik't dondersmooi vond'n. Mooi volk man, dei schrievers. Aal dat soezen over Canna. Bliksemsmooi man. Zal meurg'n nog ev'm mooi dankstukkie veur elkenain opschriev'n. Meurg'n goat mien leven weer gewoon zien gang. Huif ik nait meer te denken wat ik joe nou weer vertell'n mout. Moar ik ga joe all'n wel missen. Zol zekers regelmoatig ev'm kieken of d'r hier nog wat moois te belev'm is.




Moi! Ludo.

vertaling in het Nederlands: ik vond het mooi!